Lalaking Nagpanggap na NBI Agent, Arestado

Isang lalaki ang naaresto sa Maynila dahil sa pagpapanggap na ahente ng National Bureau of Investigation (NBI). Humingi siya ng ₱250,000 sa isang biktima kapalit ng isang pekeng trabaho sa gobyerno. Nahuli siya ng mga ahente ng NBI-Technical Intelligence Division sa isang coffee shop. Nakuha sa kanya ang mga pekeng NBI ID, badge, at calling card. "Kasi talagang matamis 'yung dila niya, tapos meron siyang mga pinapakita na operasyon nila," sabi ng biktima. Haharap ang suspek sa mga kasong estafa, usurpation of authority, at illegal use of insignia. Ang NBI ay nagpaalala na ang mga aplikante ay dumadaan sa mahigpit na training bago maging ahente.